/p. 52/ DIALOGUS X
De fulgure, nive et pluvia.
Alex. –
Postquam varijs iridis coloribus animos
et oculos saltem intellectus recreavimus,
nunc, addiscendi causa,
fulgurum, nivium et pluviarum coruscationes,
glacies et inundationes subibimus,
securi tamen ab eorum omnium incommoditatibus.
Et primo inquiram cur in fulgure
prius videatur lux quam sonus audiatur.
I. C. – Propter obiecti celeritatem. Pingit enim
aërem continuo lux, quae confestim videtur.
Alex. – Cur ita accidit? I. C. – Quia lux, educens
visiles species, ipsa sese effundit easque simul
per aërem transvectas in eius extremam superficiem,
a qua palpebra contingitur, statuit.
Aperta palpebra, pupillae species offertur, eique
minimo temporis momento coniungitur. At
non ita est de sono, qui non nisi motu defertur,
motus autem omnis in tempore. Alex. –
Tam docte explicas, ut nihil supra. Sed, quaeso,
cur fulmen, loculo illaeso atque dolio, aurum
colliquat atque vinum exugit? I. C. – Quia in
loculo et dolio propter foraminum laxitatem
ei facilior patet transitus, quapropter illis non
inhaerescens, non laedit; in aurum vero et vina